პოლიტიკის ექსპერტი ხათულა ლაგაზიძე კონკრეტულ ფაქტებზე ამახვილებს ყურადღებას და აცხადებს, რომ – “ოცნებასთან” ჭიდილი 2024-ის არჩევნებზე ურთულესი ამოცანა იქნება:
“ხელისუფლების მიერ დაანონსებული ხელფასების უპრეცედენტო ზრდის საშუალებას, ჯერ ერთი ბიუჯეტი იძლევა, მეორეც, ეს ხელს შეუწყობს არა მხოლოდ “ოცნების” ამომრჩევლის ბაზის შენარჩუნება/ზრდას, არამედ არჩევნების შემდგომი სავარაუდო პროტესტისთვის სოციალური ბაზის გამოცლა-გამოხშირვასაც.
პლუს, დიდი ალბათობით, ქვეყნისთვის მინიჭებული კანდიდატის სტატუსი, რა გინდა რა დათქმებით.
ამას თუ დაერთო, უკრაინის ომის გაყინული კონფლიქტის ფაზაში გადასვლა ანუ თუ უკრაინის ფრონტზე ვერ ვიხილეთ დიდი გარღვევები/გამარჯვებები, მით უფრო თუ ზელენსკი იძულებული გახდა საპრეზიდენტო არჩევნები დანიშნოს – “ოცნებასთან” ჭიდილი 2024-ის არჩევნებზე ურთულესი ამოცანა იქნება.
მე არ მახსენდება წინასაარჩევნოდ ასეთი რთული ამოცანის წინაშე მდგარი ოპოზიცია“, წერს ფეისბუქის პირად გვერდზე ხათულა ლაგაზიძე.