პარლამენტის ფრაქცია ,,ერთიანი ნაციონალური მოძრაობა – ძალა ერთობაშიას“ წევრი, ანა წითლიძე კონკრეტულ შეფასებებს აკეთებს საქართველოს მე-3 პრეზიდენტის, მიხეილ სააკაშვილის მიერ სახელმწიფო უსაფრთხოების სამსახურთან მიმართებაში გაკეთებულ განცხადებასთან დაკავშირებით:
,,სუს-ს იმიტომ ჰქვია სუს-ი, იმიტომ არის სახელმწიფო უსაფრთხოების სამსახური, რომ მიხეილ სააკაშვილისგან ან ნებისმიერი სხვა საქართველოს მოქალაქისგან არ უნდა იგებდეს იმას, ქვეყანაში შეიძლება რაღაცა დივერსიული ჯგუფი რომ იყოს.
ჩვენ, რეალურად, ვნახულობთ იმას, რომ არაფრის გამომძიებელი სახელმწიფო უსაფრთხოების სამსახური არ არის.
ნებისმიერი ესეთი რაღაცა დაკითხვა, იქნება მხოლოდ ფორმალობა. იმიტომ, რომ სახელმწიფო უსაფრთხოების სამსახური არის რუსული სისტემის ნაწილი. შესაბამისად, არაფრის გამომძიებლები ისინი, ცხადია, არ არიან“, – განაცხადა ანა წითლიძემ.
ინფორმაციისთვის: მიხეილ სააკაშვილმა, სასამართლო სხდომაზე ჩართვისას, ყურადღება გაამახვილა საქართველოში რუსეთის მოქალაქეების მასობრივ შემოდინებაზე და აღნიშნა, რომ მათ შორის შესაძლოა დივერსიული ჯგუფებიც იყოს, რაზეც სუს-მა გამოძიება დაიწყო და მე-3 პრეზიდენტის გამოკითხვა გადაწყვიტა.
ავტორი
ნინი ხიჯაკაძე
