“მთავარი არხის” ჟურნალისტი, თეა ადეიშვილი, ორთვიანი იძულებითი პაუზის შემდეგ, ტელევიზიაში დაბრუნდა და არხის მაყურებელს, თავის კოლეგებს ემოციურად მიმართა:
“დღეს, 2-თვიანი იძულებითი პაუზის შემდეგ, ვუბრუნდები ჩემს საყვარელ პროფესიას, ჩემს ოჯახს – “მთავარ არხს”.
მადლობა ჩემს კოლეგებს, ჩემს რედაქციას, რომლებიც უანგაროდ მუშაობდნენ ჩემს ნაცვლადაც კი, ჩემთვის ძალიან მძიმე დროს. ჯანმრთელობის პრობლემების გამო ვერ მიმყავდა “დღის სტუმარი” და ვერ ვამზადებდი ჩემთვის საინტერესო სიუჟეტებს “პოსტ ფაქტუმისთვის”.
ახლაც რეაბილიტაციის პროცესში ვარ და იმედია მომიტევებთ, თუ რამე შეფერხებები მექნება. მაგრამ დავბრუნდი სწორედ იმიტომ, რომ მაყურებელი, ამ 2 თვის მანძილზე, ღიად თუ პირადად გამუდმებით მწერდა და მეკითხებოდა – “ხომ არ დავტოვე მთავარი არხი?“… არა, ეს ჩემი ოჯახია და ოჯახიდან არ მიდიან.
მადლობა მხარდაჭერისთვის ყველას და განსაკუთრებით ჩემს არხს!“, – განაცხადა თეა ადეიშვილმა.
