“ის რაც “ოცნების” კაცუნამ ირაკლი ბერაიამ იკადრა ჩემს წინააღმდეგ, პატარა კაცობაც აღარ ჰქვია” – თეონა აქუბარდია

საქართველოს პარლამენტში განვითარებულ მოვლენებს და მის მიმართ გამოთქმულ შეურაცხმყოფელ სიტყვებს მწვავე შეფასებებით ეხმაურება პარლამენტის წევრი თეონა აქუბარდია:

“ის რაც “ოცნების” კაცუნამ ირაკლი ბერაიამ იკადრა ჩემს წინააღმდეგ, პატარა კაცობაც აღარ ჰქვია.

სუს-ის მეთოდები არ გამაჩუმებს, მაშინ როცა მათი მთავრობის წევრი პუტინთან ერთად სადილობს და დარბაზში მის გამოსვლას ესწრება, მაშინ როცა პარლამენტის თავმჯდომარე დასავლეთის წინააღმდეგ დეზინფორმაციის ფლაგმანი ხდება და მაშინ, როცა რუსული ოკუპაცია ოცნებას წინა ხელისუფლების მემკვიდრეობა ჰგონია და პასუხისმგებლობას ამით იცილებს თავიდან.

ამას ალბათ გაგრძელებაც მოყვება, მაგრამ სუსს და ოცნებას ვეტყვი, რომ მათი არ მეშინია და ვერ გამაჩუმებენ!“, – წერს ფეისბუქის პირად გვერდზე თეონა აქუბარდია.