პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარის პირველი მოადგილე, ალუდა ღუდუშაური აუცილებლობად მიიჩნევს “შეკრებისა და მანიფესტაციების შესახებ” კანონში, შეტანილი ცვლილებების შესაბამისად, გარკვეული შეზღუდვების დაწესებას და ასევე პოლიტიკურ შეფასებას აძლევს ოპოზიციის თუ პრეზიდენტის დამოკიდებულებას აღნიშნულ ცვლილებებთან მიმართებაში.
“რადიკალური ოპოზიციის სახით ჩვენ გვყავს ქვეყნისადმი და საკუთარი ხალხისადმი მტრულად განწყობილი პოლიტიკოსები თუ პოლიტიკური ჯგუფები. ეს გასაგებია, მაგრამ რაოდენ სამწუხაროც არ უნდა იყოს, ამ ფერხულში, უკვე დიდი ხანია, ჩაება ე.წ. პრეზიდენტიც.
ყველაზე მთავარი და მნიშვნელოვანი არის ჩვენი ქვეყნის მოსახლეობის ჯანმრთელობისა და უსაფრთხოების უზრუნველყოფა. რა თქმა უნდა, ნებისმიერი გამოხატვის დროს, პირველი და მთავარი არის, რომ ადამიანის ჯანმრთელობას თუ სიცოცხლეს არ შეექმნას რაიმე რისკი, საფრთხე.
ჩვენ, ამ რეგულაციებით, დიდწილად მოვახდინეთ ასეთი რისკების გადაზღვევა“, – აცხადებს ალუდა ღუდუშაური.
ინფორმაციისთვის: პრეზიდენტმა სალომე ზურაბიშვილმა ვეტო დაადო პარლამენტის მიერ “შეკრებისა და მანიფესტაციების შესახებ” კანონში, შეტანილ ცვლილებებს.
