,,გამარჯვების კოალიციის” წარმომადგენლების ვიზიტი აშშ-ში გრძელდება. სტრატეგიული პარტნიორის ქვეყანაში შეხვედრის დეტალებზე განცხადება გააკეთა საქართველოს პარლამენტის წევრმა, ,,სტრატეგია აღმაშენებლის” თავმჯდომარემ, გიორგი ვაშაძემ:
,,5 დღიანი ვიზიტის მნიშვნელოვანი შედეგები:
- საქართველოსთან მიმართებაში, ამერიკის მხრიდან კიდევ უფრო მეტი ყურადღება იქნება;
- მეორე და ძალიან მნიშვნელოვანი, გრძელვადიანი სადამკვირვებლო მისიები ამერიკიდან ჩამოვლენ იმისთვის, რომ მომავალი წლის არჩევნებს დააკვირდნენ, რომელიც გეოპოლიტიკურ არჩევნებად არის შეფასებული აბსოლუტურად ყველა ამერიკულ წრეებში;
- და ალბათ, ყველამ ნახეთ შავი ზღვის მხარდაჭერის აქტზე მსჯელობა და სენატორი შაჰინის პირდაპირი განცხადებები, ბატონი ო’ბრაიენის მოხსენება საქართველოსთან დაკავშირებით.
,,ქართულ ოცნებას” საქართველოს შეტრიალება რუსეთისკენ არ გაუვა და არ გამოუვა. ჩვენ ამერიკის მხარდაჭერა გვექნება იმისთვის, რომ არა მხოლოდ გავათავისუფლოთ საქართველო ამ პრორუსული ძალისგან, არამხოლოდ ევროკავშირის კანდიდატის სტატუსი მივიღოთ, არამედ უფრო დავუახლოვდეთ ცივილიზებულ სამყაროს, ავაშენოთ მშვიდობიანი, ძლიერი და ერთიანი ქვეყანა“, – განაცხადა გიორგი ვაშაძემ.
ავტორი
ნინი ხიჯაკაძე
