“საქართველო უკვე მართლა ზის რუსეთთან და ჩინეთთან ერთად” – გრიგოლ გეგელია

18 ოქტომბერს ჩინეთში გამართულ ღონისძიებაზე საქართველოს ვიცე-პრემიერი, ლევან დავითაშვილი რუსეთის პრეზიდენტ ვლადიმირ პუნტინთან ერთად ესწრებოდა. თემასთან დაკავშირებით მწვავე განცხადება გააკეთა პარტია ,,ლელო საქართველოსთვის” საგარეო ურთიერთობათა მდივანმა, გრიგოლ გეგელიამ:

,,იმ ფონზე, როდესაც ეს ხელისუფლება ყველაფერს აკეთებს იმისთვის, რომ რეალურად არ გადაიდგას ნაბიჯები წინ დასავლეთისკენ, ჩვენ ვხედავთ, რომ ამავე დროს, ამ ხელისუფლების პირობებში საქართველოს ზის, დიახ, რუსეთთან და ჩინეთთან ერთად. ეს უკვე არის არა მარტო თეორიული რიტორიკული რამ, არამედ პრაქტიკა. საქართველო უკვე მართლა ზის რუსეთთან და ჩინეთთან ერთად.

ვნახულობთ რეგულარულად, რომ ეს ხელისუფლება აღმასრულებელ საგარეო პოლიტიკურ გადაწყვეტილებებს იღებს ისე, რომ საქართველოს პარლამენტი საეროდ არ არის ინფორმირებული ამ გადაწყეტილებებთან დაკავშირებით.

ერთი ასეთი იყო, რა თქმა უნდა, ჩინეთთან ხელმოწერილი ხელშეკრულება და ახლა ვხედავთ, რომ ამ ტიპის ფორმატშიც, საქართველოს ვიცე-პრემიერი ჩანს ისე, რომ აშკარად არავითარი არსებითი განხილვა საქართველოს პარლამენტში არ ყოფილა. იმიტომ, რომ ამ ხელისუფლებას, რომელიც არის ავტოკრატიული რუსული ხელისუფლება, რა თქმა უნდა, არაფრად არ აინტერესებს საქართველოს პარლამენტი, დემოკრატია და დემოკრატიული პროცედურები“, – განაცხადა გრიგოლ გეგელიამ.

ავტორი
ნინი ხიჯაკაძე