რამდენიმე დღის წინ სოციალური ქსელში გავრცელდა ვიდეო, სადაც ზემო მლეთაში, ლომისის წმინდა გიორგის ეკლესიის მიმდინარე ტერიტორიაზე სამხედრო ფორმაში გამოწყობილი რუსი სამხედროები პატრულირებდნენ. აღნიშნულ ფაქტზე კომენტარი გააკეთა დეკანოზმა ანდრია ჯაღმაიძემ, რომელმაც მოსახლეობის მხრიდან პროვოკაციაზე გააკეთა მინიშნებები. აღნიშნულთან დაკავშირებით მწვავე შეფასებებს აკეთებს “სტრატეგია აღმაშენებლის” გენერალური მდივანი, პარლამენტის წევრი პაატა მანჯგალაძე:
„რისი ევროკავშირში შემყვანია “ქართული ოცნება”?! გუშინწინ, აქვე ლომისის ტაძარში შევიდნენ რუსი მესაზღვრეები და ხელისუფლება დაიმალა.
გამოიყვანეს მღვდლები და ალაპარაკეს სისულელე, რომ თურმე ოკუპანტები ყოფილან თბილები და საყვარლები.
უფრო მეტიც, ჯაღმაიძემ თქვა, თითქოს ჩვენი ბრალი ყოფილა, გავაღიზიანეთ რუსები იმით, რომ ვიღაცას ქართულ სოფელ კირბალში აუფრიალებია საქართველოს დროშა.
ახლა უცებ მახსენდება, თევდორე მღვდლის ადგილას ჯაღმაიძე რომ ყოფილიყო, შორი გზით კი არ წაიყვანდა და გზას კი არ აურევდა მტერს, პირდაპირ, მოკლე გზით თბილისზე წამოიყვანდა, ალბათ.
ამას ჰქვია პატრიოტიზმი და ქრისტიანობა?“, – აცხადებს პაატა მანჯგალაძე.
პოლიტიკური პარტია “გიორგი ვაშაძე – სტრატეგია აღმაშენებლის” მედიასთან და საზოგადოებასთან ურთიერთობის სამსახური
