“გამარჯვების კოალიციის” წარმომადგენლები რამდენიმე დღეა აპროტესტებენ დედაქალაქში შექმნილ სიტუაციას, საცობებს. აღნიშნულ საკითხზე მწვავე შეფასებებს აკეთებს თბილისის საკრებულოს ფრაქცია “ერთიანი ნაციონალური მოძრაობის” თავმჯდომარე, ირაკლი ნადირაძე:
,,ის, რომ თბილისელები იხრჩობიან კალაძის საცობებში, – ეს არის კახა კალაძის არასწორი სატრანსპორტო, სამშენებლო, ურბანული პოლიტიკის ბრალი, კორუფციისა და არაპროფესიონალიზმის ბრალი, იმ განუხორციელებელი პროექტების ბრალი, რომელიც არ განახორციელა კალაძემ, ან იმ განხორციელებულების ბრალი, რომლებიც არასწორად გააკეთა.
ყველას კარგად უნდა გვესმოდეს, რომ საცობები არ არის მხოლოდ საცობებში საათობით დგომის დისკომფორტი. ეს არის დაბინძურებული ჰაერის პრობლემა და ეს არის ის ბინძური ჰაერი, რომელსაც ვსუნთქავთ ჩვენ და სუნთქავენ ჩვენი შვილები.
ამიტომ ვაგრძელებთ კამპანიას ,,არა კალაძის საცობებს” და ყველაფერს გავაკეთებთ იმისთვის, რომ ვაიძულოთ კახი კალაძე და მისი რუსული მთავრობა, გადადგან ისეთი ნაბიჯები, რომ ჩვენი შვილები არ დაიხჩონ საცობებისგან გამოწვეულ დაბინძურებულ ჰაერში“, – განაცხადა ირაკლი ნადირაძემ.
ავტორი
მარიამ ხაჩირაშვილი
