აშშ-ში უმაღლესი დონის ვიზიტის ფარგლებში მორიგი შეხვედრა „ერთიანი ნაციონალური მოძრაობისა“ და „სტრატეგია აღმაშენებლის“ ლიდერებმა USAID -ის ცენტრალურ ოფისში გამართეს.
გიორგი ვაშაძე, თინა ბოკუჩავა, სერგო ჩიხლაძე და ალექსანდრე კრევო-ასათიანი USAID- ის ცენტრალური ოფისის, აღმოსავლეთ ევროპისა და აზიის პროგრამების კურატორს, ალექსანდრე სოკოლოვსკს შეხვდნენ და საქართველოში არსებული ვითარება განიხილეს.
შეხვედრისას პარტნიორების მხრიდან განსაკუთრებული სინანული გამოითქვა „ქართული ოცნების“ მიერ USAID-ის პროგრამებზე თავდასხმების გამო და აღინიშნა, რომ ქართველი ხალხის დახმარება მომავალშიც გაგრძელდება.
საუბრისას განსაკუთრებული ყურადღება 2024 წლის არჩევნებს დაეთმო და გამოითქვა მზაობა გრძელვადიანი დამკვირვებლების საქართველოში გამოგზავნასთან დაკავშირებით.
კომენტარები - დატოვეთ თქვენი მოსაზრება