“როცა ხელისუფლება ცდილობს საქართველო რუსეთისკენ შეატრიალოს, ჩვენი ვალდებულებაა ქართველი ხალხის ხმა ჩავიტანოთ, რომ საქართველოს მეტი ურთიერთობა სჭირდება ამერიკასთან” – გიორგი ვაშაძე

,,გამარჯვების პლატფორმის” ერთ-ერთი ლიდერი, ,,სტრატეგია აღმაშენებლის” თავმჯდომარე, პარლამენტიუს წევრი გიორგი ვაშაძე ,,ტვ პირველის” ჟურნალისტთან კომენტარს აკეთებს ამერიკის შეერთებულ შტატებში ხვალიდან დაგეგმილი სამუშაო ვიზიტის მთავარ ამოცანასა და მიზანთან დაკავშირებით:

,,არაერთ სადისკუსიო პლატფორმაზე გვექნება შეხვედრა და მთავარი მიზანია, რომ სტრატეგიული პარტნიორობა გავამტკიცოთ. როცა ხელისუფლება ცდილობს საქართველო რუსეთისკენ შეატრიალოს, ჩვენი ვალდებულებაა ქართველი ხალხის ხმა ჩავიტანოთ, რომ საქართველოს მეტი ურთიერთობა სჭირდება ამერიკასთან.

ვისაუბრებთ თავისუფალი ვაჭრობის შეთანხმებაზე, სავიზო რეჟიმებთან დაკავშირებით, საიმიგრაციო საკითხებზე. რაც მთავარია – ევროკავშირის კანდიდატის სტატუსის მიღება, NATO-ში ინტეგრაცია, საქართველოს უსაფრთხოება და საქართველოს მოქალაქეების ინტერესების დაცვა. ეს არის ჩვენი მიზანი.

ძლიერი საქართველოსთვის ჩვენ გვჭირდება უფრო და უფრო სიღრმისეული პარტნიორობა ამერიკის შეერთებულ შტატებთან“, – განაცხადა გიორგი ვაშაძემ.

ავტორი
ნინი ხიჯაკაძე