ჟურალისტი, ანალიტიკოსი არჩილ გამზარდია ქართული მედიის და არა მარტო მედიის კრიზისზე ამახვილებს ყურადღებას:
“დღევანდელ საქართველოში, მედიას, ისევე როგორც საზოგადოებრივ და პოლიტიკური მიმართულების სპეციალისტებს, ისევე, როგორც არასამთავრობო სექტორს, ისევე, როგორც პოლიტიკურ სპექტრს, ისევე, როგორც მე, თქვენ, სხვებს ანუ ზოგადად, საზოგადოებას, გვაქვს კრიზისი.
ეს კრიზისი განპირობებულია ხშირად თანამედროვე საზოგადოების შეუცნობლობით და ზოგჯერ ზედმეტი ბმით პოლიტიკურ სუბიექტებთან.
ჩვენ, ზოგადად, და მათ შორის, მედიასაც გვაქვს დასახული მიზნები, რომლებიც ზოგჯერ ჩამორჩენილია დროს, სტრატეგიები, რომელიც ასევე ვერ მიჰყვება თანამედროვე ადამიანების რეალურ ინტერესებს, ცნობიერებასა და მისწრაფებებს.
ჩვენ ჩამორჩენილი ვართ საკუთარ თავებსაც კი და ჩვენს დეკლარირებულ დამოკიდებულებებს ვერ ვაწევთ ჩვენს რეალურ და შინაგან დამოკიდებულებებს.
თანამედროვე მედია, ზოგადად, მსოფლიოშიც კრიზისშია, რადგან ის კარგავს საკუთარ ფუნქციურ მიზნებს, ზედმეტად კონცენტრირებულია პროპაგანდაზე და ასევე მომხმარებლების მხოლოდ მცირე სეგმენტებზე.
როგორც პოლიტიკური ჯგუფები და სამოქალაქო ორგანიზაციები, ჩვენი მედიაც ზედმეტად ჩაკეტილია საკუთარ ე.წ. ბაბლში და ამ ჩარჩო-ნაჭუჭებს იქით ვერ ახერხებს ვერც სახელმწიფოს, ვერც საზოგადოების და ვერც მსოფლიოს აღქმას.
შესაძლებლობებს მკვეთრად ამცირებს ავტორიტარული და დიქტატორული სახელმწიფოს ფაქტორები, რაც სერიოზულად გვაზიანებს ყველას და მათ შორის, მედიის უნარებსაც, მაგრამ რესურსები ნამდვილად არის დარჩენილი, რასაც ჩვენ ვერ ვიყენებთ“, – წერს ფეისბუქის პირად გვერდზე არჩილ გამზარდია.
