საქართველოს პრეზიდენტ სალომე ზურაბიშვილთან მიმართებაში თავის პოზიციას აფიქსირებს ანალიტიკოსი ზაალ ანჯაფარიძე:
“რა შანსები აქვს 71 წლის სალომე ზურაბიშვილს გახდეს ე.წ. “მესამე ძალის” ლიდერი, რომლის მშობლების ვინაობაც კი ჯერჯერობით უცნობია.
შანსები ალბათ არც ისე ბევრია, ყველა, მათ შორის წმინდა “ქართული” ფაქტორების გათვალისწინებით. მისდამი წმინდა “ქართული” დადებითი ემოციური დამოკიდებულება, რომელმაც ზურაბიშვილს ძალიან ხანმოკლე პოპულარობა მოუტანა, ჩაანაცვლა ასეთივე სუფთა “ქართულმა” მიუღებლობამ.
შედეგად ზურაბიშვილი პოლიტიკურ რეანიმაციაში მოხვდა, საიდანაც ის “ოცნებამ” და ივანიშვილმა გამოიყვანეს, პოლიტიკურად თითქოს უმკურნალეს (ჯერ დეპუტატობა. მერე პრეზიდენტობა), მაგრამ ეტყობა მაინც უშედეგოდ.
მკურნალობის არაეფექტურობას კი ბევრი მიზეზი ჰქონდა, საიდანაც ჩემი აზრით წამყვანი გახლდათ სალომეში ღრმად გამჯდარი და დაუძლეველი ნარცისიზმი და სნობიზმი“, – წერს ფეისბუქის პირად გვერდზე ზაალ ანჯაფარიძე.
