პარლამენტის ფრაქციის ,,ერთიანი ნაციონალური მოძრაობა-ძალა ერთობაშიას” წევრი ანა წითლიძე ჟურნალისტებთან კომენტარს აკეთებს პრეზიდენტის გადაწყეტილებაზე საქართველოს ყოფილი მთავარი პროკურორის, ოთარ ფარცხალაძისთვის მოქალაქეობის შეწყვეტის თაობაზე:
,,პრეზიდენტმა თავისი ფუნქცია ამასთან დაკავშირებით შეასრულა. მისი გადაწყვეტილება სხვანაირი ვერ იქნებოდა – მოქალაქეობა შეუწყვიტა, მაგრამ ჩვენ ძალიან კარგად უნდა გვესმოდეს ერთი რამ, რომ ამ ქვეყანაში არავინ – ექნება თუ არ ექნება ფარცხალაძეს საქართველოს მოქალაქეობა, ფარცხალაძეს არ დასჯის.
იმიტომ, რომ მთელი სახელმწიფო სტრუქტურები რეალურად არიან ,,ქართული ოცნების” ფილიალები და წარმოუდგენელია, რომ მათ ფარცხალაძეს რამეზე ბრალი წაუყენონ, რამეში გამოკითხონ და დასაჯონ“, – განაცხადა ანა წითლიძემ.
ავტორი
მარიამ ხაჩირაშვილი
