“ეჭვი არ მეპარება, რომ “ქართული ოცნება” სათანადო რაოდენობის ხმებს იშოვის” – ალექსანდრე ელისაშვილი პრეზიდენტის იმპიჩმენტზე

პარტია “მოქალაქეების” თავმჯდომარე, პარლამენტის წევრი ალექსანდრე ელისაშვილი პრაქტიკულად დარწმუნებულია, რომ მმართველი პარტია, პრეზიდენტის იმპიჩმენტისთვის, პარლამენტში კენჭისყრისთვის საჭირო ხმებს დააგროვებს:

“ქართული ოცნება” ძალიან აქტიურად მუშაობს იმაზე, რომ იმპიჩმენტისთვის საჭირო ხმები ჰქონდეს და მე, გულახდილად რომ გითხრათ, ეჭვი არ მეპარება, სათანადო ხმებს მოაგროვებენ.

„ერთმნიშვნელოვნად შემიძლია ვთქვა, რომ მე და ქეთი თურაზაშვილი, ჩვენ კატეგორიულად გამოვრიცხავთ პრეზიდენტის იმპიჩმენტის მხარდაჭერას, მაგრამ არ გამოვრიცხავ, უფრო მეტიც შემიძლია ვთქვა, ეჭვი არ მეპარება, რომ “ქართული ოცნება” სათანადო რაოდენობის ხმებს იშოვის.

ეჭვმიტანილი არიან, პირველ რიგში, “ნაციონალური მოძრაობა” და “ნაციონალური მოძრაობის სიით გასული დეპუტატები, იმიტომ რომ გაიხსენეთ რა მოხდა, როდესაც იუსტიციის უმაღლესი საბჭოს წევრების არჩევა იყო, 95 და 96 ხმა დაფიქსირდა“, – განაცხადა ალექსანდრე ელისაშვილმა.