“ჰამასის” ტერორისტულ თავდასხმას ისრაელზე, რასაც საპასუხო რეაქცია მოჰყვა, მსოფლიოს ყურადღების ცენტრშია მოქცეული. თავისი შეფასებები ჰქონდა რუსეთის პრეზიდენტ ვლადიმერ პუტინსაც, რომელმაც მომხდარის წინაპირობად, განვითარებული ქვეყნების მხრიდან, რეგიონთან მიმართებაში არასწორი პოლიტიკა დაასახელა და ასევე ის, რომ დღემდე არაა შექმნილი პალესტინის სახელმწიფო. ყოველივე აღნიშნულს მწვავე შეფასება-მინიშნებებით ეხმაურება ტელეკომპანია “კავკასიას” გენერალური დირექტორი, ნინო ჯანგირაშვილი:
“ვინც ამ უსაშინლესი ტერაქტისას ჩათვალეთ, რომ კარგი მომენტია ისრაელს “ძველი ცოდვები“ გაუხსენოთ, ყველა პუტინის ძმაკაცები ხართ, დიახ.
იიი, “ღაზელი ბავშვები რატომ არ გეცოდებათ“ ისტერიკებისა და უვიცობის ნაზავით სხვებზე თავდასხმა არის მინიმუმ ქაჯობა.
ყველა ბავშვის სიკვდილი გულს მიხეთქავს, ოღონდ მიზეზ–შედეგობრიობას თუ აურევ ერთმანეთში და ტერორისტს ტერორისტს არ დაარქმევ, იქნები აი, ასეთი ფარისეველი, რომელიც ამბობს, რომ პალესტინის სახელმწიფო უიმე თურმე რატომ არ შეიქმნა და ამ დროს ამტკიცებს, რომ უკრაინის სახელმწიფოს არსებობის უფლება არ აქვს. ფარსეველი მსუბუქი შეფასებაა, მაგრამ ვეცდები ნაკლებად ისტერიული ვიყო.
P.S. სხვათა შორის, ეს “უსათნოესი” კაციც [პუტინი] ძალიან დარდობს დაღუპულ ბავშვებზე ორივე მხრიდან“, – წერს ფეისბუქის პირად გვერდზე ნინო ჯანგირაშვილი.