პარტიებს – “საქართველოსთვის” და “ლელო საქართველოსთვის” შესაძლო თანამშრომლობასთან დაკავშირებით გავრცელებულ ინფორმაციას, მედიასთან კომენტარში, პოლიტიკურ შეფასებას აძლევს პარლამენტის ფრაქცია “ქართული ოცნების” თავმჯდომარის მოადგილე რატი იონათაშვილი:
“არც გახარიასგან და არც ხაზარაძისგან, ცხადია, ჩვენ ეს არ გაგვიკვირდება. პირიქით, მათი უპრინციპო “პოლიტიკური მოღვაწეობის” გაგრძელებაც იქნება. ეს აჩვენებს, ზუსტად, ამ ადამიანების პოლიტიკურ მორალს.
მათი პოლიტიკური მორალიდან გამომდინარე, არანაირი ბარიერი არ არის ერთმანეთზე რას ამბობდნენ და როგორი ეპითეტებით ამკობდნენ ურთიერთს.
შესაბამისად, ამიტომ არ გვიკვირს ამ ადამიანებისგან.
მათ არაერთხელ დაგვანახეს, რომ პოლიტიკაში მათთვის ღირებულებები და ფასეულობები არაფერს არ წარმოადგენს. შესაბამისად, ხვალ და ზეგაც ასე არასტაბილურად გააგრძელებენ და ეს, ფაქტობრივად მათი პოლიტიკური განაჩენის ტოლფასი იქნება”, – განაცხადა რატი იონათამიშვილმა.
