კვირა, აპრილი 20, 2025
11.8 C
Tbilisi
spot_img
მთავარიპოზიცია და შეფასებებიუნდა გვახსოვდეს, რომ სხვისი შვილები დღეს, შეიძლება იყვნენ...

უნდა გვახსოვდეს, რომ სხვისი შვილები დღეს, შეიძლება იყვნენ ჩვენი შვილები ხვალ – არჩილ თალაკვაძე

საქართველოს პარლამენტის თავმჯდომარე 15 წლის ლუკა სირაძის ტრაგიკული გარდაცვალების ფაქტს ეხმიანება. არჩილ თალაკვაძე უსამძიმრებს გარდაცვლილის ოჯახს და აღნიშნავს, რომ განსაკუთრებული ყურადღება უნდა მიექცეს სუიციდის პრევენციას და მნიშვნელოვანია ამ მხრივ სხვადასხვა უწყების ჩართულობა:

“მინდა მივუსამძიმო ლუკა სირაძის ოჯახს. ეს მძიმე ტრაგედიაა და ყველამ უნდა ვანუგეშოთ ისინი.

გაუცხოება, სოლიდარული კულტურის შესუსტება, სულიერი ღირებულებების ჩანაცვლება და თანამედროვე საზოგადოებაში პროცესების აჩქარება – ეს არის ის, რის გამოც ხშირად უყურადღებოდ რჩება ადამიანი, ვისაც დახმარება სჭირდება.

მივესალმები პრემიერ-მინისტრის, მთავრობის და საპარლამენტო კომიტეტების რეაგირებას მომხდართან დაკავშირებით და კონკრეტული გადაწყვეტილებების მომზადებას, რაც დაგვეხმარება, მომავალში თავიდან ავიცილოთ ასეთი შემთხვევები. ამომწურავი შეფასება და გამოძიება საჭიროა არა იმიტომ, რომ საზოგადოებამ შური იძიოს ვინმეზე, არამედ იმიტომ, რომ სწორი დასკვნები გამოვიტანოთ რა გვჭირდება სკოლაში და რა გვჭირდება პოლიციაში.

უნდა გვახსოვდეს, რომ სხვისი შვილები დღეს, შეიძლება იყვნენ ჩვენი შვილები ხვალ. ამიტომ, უნდა შევაფასოთ პრობლემები და გადავდგათ საჭირო ნაბიჯები. ეს არის ჩვენი შვილების ქვეყანა და ჩვენი შვილების საზოგადოება. სამსახურებში, პარლამენტში თუ სხვა სივრცეებში, სადაც დღეს ჩვენ დავდივართ, ხვალ მათ უნდა იარონ.

დამოუკიდებლად იმისგან, თუ რა მოხდა ამ შემთხვევაში, მიმაჩნია, რომ სამოქალაქო სექტორშიც დასაწყებია სუიციდის პრევენციის პროგრამა, რომელიც ჩვენი ხელისუფლების პირობებში წარმატებით დაინერგა პენიტენციურ სისტემაში, მათ შორის მოზარდებთან და ამ პროგრამას წარმატებით უძღვება მინისტრი თეა წულუკიანი და მისი სამინისტრო. სუიციდის პრევენციის პროგრამა სპეციალური მეთოდოლოგიით, წინასწარ ადგენს დეპრესიის ნიშნებს, სუიციდალურ მიდრეკილებებს და ეხმარება ადამიანს, რომ გაუმკლავდეს ამ პრობლემას. სასჯელაღსრულების სისტემაში 2 წლის განმავლობაში, ერთდროულად 81 ადამიანი გვყავდა ჩართული ამ პროგრამაში ვინც სუიციდი ერთხელ სცადა, ან ვისაც მიდრეკილება ჰქონდა ამისკენ. 81-ვე პროგრამაში ჩართულ ადამიანს 2 წლის განმავლობაში არ ჰქონია სუიციდის არცერთი მცდელობა. პროგრამამ გაამართლა.

რაც შეეხება მომხდარ ტრაგიკულ შემთხვევას, ჩემი თხოვნა და პოზიცია იქნება, რომ მიმდინარე საპროტესტო კამპანიის ფარგლებში ნუ მოუწოდებთ ბავშვებს ნიჰილიზმისკენ, ნუ ეუბნებით, რომ ცხოვრებას აზრი არ აქვს – ეს შეიძლება იყოს საშიში. მითუმეტეს, როდესაც ამას იმეორებენ და ამბობენ უფროსები, ვისიც ბავშვებს სჯერათ. ამას შეიძლება ჰქონდეს გადამდები ხასიათი. არსებობს “Copycat”-ის და ვერტერის ეფექტები, რაც სწორედ ასეთ სიტუაციაში ნეგატიური კამპანიის დროს, სხვა ბავშვების მიმართ დამღუპველ გავლენაზე მიუთითებს. პირიქით, გავაკეთოთ მეტი იმისთვის, რომ ბავშვებს მივცეთ მეტი ოპტიმიზმი, შევუქმნათ უფრო პოზიტიური გარემო და ვასწავლოთ რთულ სიტუაციებთან გამკლავება,” – განაცხადა არჩილ თალაკვაძემ.

კომენტარები - დატოვეთ თქვენი მოსაზრება
spot_img

მსგავსი სტატიები

“დროა ყველას და ყველაფერს დაერქვას თავისი სახელი! დროა ჩვენი ფლანგი გაერთიანდეს და საბოლოო გამარჯვება...

,,სტრატეგია აღმაშენებლის” ახალგაზრდული ორგანიზაციის ლიდერი, ლაშა დიაროვი სოციალურ ქსელში...

“ქოცები არიან დასუსტებულები და აჭრილ-აბნეულები” – ლაშა ბუღაძე

ქართველი მწერალი და დრამატურგი, ლაშა ბუღაძე სოციალურ ქსელში სტატუსს...

“მოკლედ, მე მზად ვარ თუ სხვა ვინმეც გაბედავთ. ნუ იქნებით ნახევრად გახარიები” – ირაკლი...

შინაგან საქმეთა და თავდაცვის ყოფილი მინისტრი, ირაკლი ოქრუაშვილი იმ...

“რაში გვჭირდება რეჟიმი რომელიც საფრთხის ქვეშ აყენებს ევროპასთან უვიზო მიმოსვლას, ძალადობს მოქალაქეებზე და ძარცვავს...

“სტრატეგია აღმაშენებლის” ლიდერი, გიორგი ვაშაძე ქვეყანაში შექმნილ რეალობას და...

spot_img

"პარალელის" გამოკითხვა

დღის პოპულარული

“სვანეთში რომ არ აღმოფხვრილიყო მკვლელობები, ძარცვა, გატაცებები და გაუპატიურებები, იქ ტურიზმი როგორ განვითარდებოდა?” –...

სვანეთთან დაკავშირებით კონკრეტულ ფაქტებზე საუბრობს მიხეილ სააკაშვილი, შეკითხვებთის თანხლებით: "სვანეთში...

ამაყი მთების ქვეყანა

ბუნებას ამაყი მთებისა და მიუვალი კლდეების სახით აქვს თავისი...