საპარლამენტო უმრავლესობის ლიდერის, ირაკლი კობახიძის მიერ გაკეთებულ სკანდალურ განცხადებას, კონკრეტული კანონის, პარლამენტის მხრიდან, პრეზიდენტთან ხელმოსაწერად გადაგზავნაზე უარის თქმასთან დაკავშირებით, მწვავე შეფასებები მოჰყვა არა მარტო ოპოზიციის მხრიდან. თუმცა, შემდგომში, მმართველი პარტიის ლიდერების მხრიდან განიმარტა, რომ ეს იყო ხუმრობა, რასაც დამატებით ირონიული შეფასებები მოჰყვა საზოგადოებრივი მაუწყებლის სამეურვეო საბჭოს წევრის, ბონდო მძინარაშვილის მხრიდან:
“ოპოზიციამ არა მარტო კონსტიტუცია არ იცის, არამედ ისეთი უტვინოა, რომ არც ჩაიხედა, რა წერია 36-ე მუხლში.
30 წამში გაიგებდა! სულ რაღაც 30 წამში!
არადა, მთელი 30 წუთი კიოდნენ ისე, რომ კუდი ყავარზე დარჩათ!😂
თუმცა, კობახიძის ხუმრობამ კიდევ ერთი საინტერესო ფაქტი გამოავლინა:
კონსტიტუციაზე რაც უნდა თქვას, პოლიტიკოსები და ჟურნალისტები უაპელაციოდ იჯერებენ!
აკი კვალიფიკაცია დაუწუნეთ?!🤔😉😂“, – წერს ფეისბუქის პირად გვერდზე ბონდო მძინარაშვილი.
ინფორმაციისთვის: საპარლამენტო უმრავლესობის ლიდერმა, ირაკლი კობახიძემ ბრიფინგზე განაცხადა, რომ პარლამენტი „შეკრებებისა და მანიფესტაციების შესახებ“ კანონს პრეზიდენტთან ხელისმოსაწერად არ გააგზავნიან, რადგანაც საპარლამენტო რესპუბლიკაში კანონების გამოცემა პარლამენტის პრეროგატივაა. შემდგომში, მმართველი პარტიის ლიდერმა განმარტებები გააკეთა და აღნიშნა, რომ მისი განცხადება ე.წ. “სატესტო” ხასიათის ხუმრობა იყო, რითიც მინიშნება გააკეთა პრეზიდენტის უფლებამოსილებაზე.