14 წლის გოგონას მიმართ ჩადენილ შემზარავ დანაშაულებებს, ემოციური პოზიცია-შეფასებებით, ეხმაურება “სტრატეგია აღმაშენებლის” პოლიტიკური საბჭოს წევრი, თეონა ჭალიძე:
“აითაჯი – ასე ჰქვია ბავშვს, უფრო სწორად ერქვა 14 წლის გოგოს, რომელიც 28 წლის (არა)კაცმა თავის სოფლიდან მოიტაცა, იძულებით აღუკვეთა თავისუფლება, რაც კანონით ისჯება.
ზრდასრული კაცი ამყარებდა სექსუალურ კავშირს ბავშვთან, რაც ასევე ისჯება კანონით. 2 თვის განმავლობაში არც ბავშვის მშობლებმა, არც ამ მოძალადის ოჯახის წევრებმა, არც ნათესავებმა, არც მეზობლებმა, არც ბავშვის მასწავლებლებმა და სკოლის დირექციამ, არც სოფლების რწმუნებულებმა, არც პოლიციამ, არც სოციალურმა სამსახურმა, არავინ თავის ფუნქცია და მოვალეობა არ შეასრულა.
განსაცდელში მიატოვეს ბავშვი.
დანაშაულის შეუტყობინებლობა რომ დასჯადია ეგეც არაფრად ჩააგდეს. მერე კაცმა ბავშვი თოფით მოკლა… და ეს დაუშვა ყველამ… ეს დაუშვა სახელმწიფომ, რომლის კისერზეცაა მორიგი მსხვერპლი ბავშვი/გოგო.
უნდა დაისაჯოს ყველა, ყველა დამნაშავე… ჩვენ კი ყველამ უნდა ვიგრძნოთ პასუხისმგებლობა და ვიმოქმედოთ, არ წავუყრუოთ ასეთ ინფორმაციას,..
ნეტავ უფრო ადრე გაგვეგო აითაჯის ხმა…“, – წერს ფეისბუქის საკუთარ გვერდზე თეონა ჭალიძე.
უფლებადამცველი სამირა ბაირამოვა სოციალურ ქსელში მოკლული 14 წლის გოგონას ფოტოს აქვეყნებს…
