სახელმწიფო კანცელარიის წინ დედების მდუმარე საპროტესტო აქცია გაიმართა 15 წლის ლუკა სირაძის ტრაგიკულად დაღუპვის გამო, რომელმაც, პოლიციაში მასზე განხორციელებული ზეწოლის გამო, სიცოცხლე თვითმკვლელობით დაასრულა.
შეგახსენებთ, რომ რამდენიმე დღის წინ, თბილისის პოლიციის დეპარტამენტის დიდუბე-ჩუღურეთის სამმართველოს I განყოფილებაში, “მწვანე სკოლის” შენობაში შეპარვისა და კედლებზე წარწერების გაკეთების ფაქტზე, 15 წლის ლუკა სირაძე პოლიციის განყოფილებაში დედის თანდასწრებით გამოიკითხა, რა დროსაც, გავრცელებული ინფორმაციით, არასრულწლოვანს ემუქრებოდნენ, მასზე მოხდა ზეწოლა და ითხოვდნენ დანაშაულის აღიარებას.
