გუშინ, ბათუმში, საკონსტიტუციო სასამართლოში პრეზიდენტის იმპიჩმენტის საქმის განხილვა დაიწყო, რომელსაც სალომე ზურაბიშვილი არ დაესწრო. საქმის განხილვის პროცესში წამოიჭრა საკითხი, თუ რამდენად საჭირო იყო პრეზიდენტისთვის ნებართვა ქვეყნის შიგნით, მსგავსად საზღვარგარეთ განხორციელებული ვიზიტებისა. ამასთან და სხვა დაკავშირებულ საკითხებთან მიმართებაში შეფასება-განმარტებები გააკეთა პარლამენტის ფრაქცია ,,ქართული ოცნების” თავმჯდომარემ, მამუკა მდინარაძემ:
,,თავად დააყენეს საკითხი, რომ მაშინ რატომ არა ქვეყნის შიგნით?! დიახ, მე პირადად მიმაჩნია, როგორც ერთ იურისტს, რომ თუ კი პრეზიდენტი ქვეყნის შიგნითაც წარმომადგენლობით უფლება-მოსილებებს ახორციელებს, მას სჭირდება მთავრობის თანხმობა.
ან ბიძინა ივანიშვილი ან ფარსი რა შუაშია – ან ერთი, ან მეორე?! შუაში ის არის, რომ კონსტიტუცია პრეზიდენტმა დაარღვია.
მოცემულობაა არასწორი, როგორ შეიძლება კონსტიტუციის დარღვევაზე რეაგირებას ჩვენ დავაბრალოთ, ევროინტეგრაციაში ხელშეშლა, რაიმე ფორმით?! ამაზე არაევროპული, ამაზე ცუდი მიდგომა ხომ წარმოუდგენელია! არ შეიძლება ხელი შეეშალოს რეაგირებით – საქართველოს კონსტიტუციის, საკუთარი ეროვნული ინტერესების პატივისცემით, მათ შორის, რომელსაც ყველა ერი აკეთებს!“, – განაცხადა მამუკა მდინარაძემ.
ავტორი
ნინი ხიჯაკაძე
