,,ერთიანი ნაციონალური მოძრაობის” პოლიტიკური საბჭოს წევრი, საქართველოს პარლამენტის წევრი, ანა წითლიძე კომენტარს აკეთებს პრეზიდენტ სალომე ზურაბიშვილის წინააღმდეგ დაწყებული იმპიჩმენტის საკითხთან დაკავშირებით:
,,საკონსტიტუციო სასამართლოსგან მოლოდინი იმის, რომ რაღაც ობიექტურ გადაწყვეტილებას მიიღებს პრეზიდენტის იმპიჩმენტთან დაკავშირებით, ნამდვილად არ გვაქვს. საკონსტიტუციო სასამართლოში როგორ მიმდინარეობს ეს ყველაფერი, უკვე თვალ-ყურს ვადევნებთ და ცხადია. რა დასკვნას გამოიტანს საკონსტიტუციო სასამართლო, ესეც, სამწუხაროდ, არის ცხადი.
პრეზიდენტის იმპიჩმენტის საკითხი მხოლოდ ერთადერთ რაღაცას უკავშირდება – ეს არის საქართველოს ევროპული კურსის საბოტაჟი, განსაკუთრებით იმ დროს, როდესაც ჩვენ კანდიდატის სტატუსს ველოდებით და ჩვენი საერთაშორისო პარტნიორები საქართველოს ხელისუფლების ყველა ნაბიჯს აკვირდებიან.
პრეზიდენტის იმპიჩმენტის არანაირი სამართლებრივი საფუძველი არ არსებობს“, – განაცხადა ანა წითლიძემ.
ავტორი
ნინი ხიჯაკაძე
