საქართველოს პარლამენტის თავმჯდომარე, შალვა პაპუაშვილი ჟურნალისტებთან კომენტარს აკეთებს რუსეთის ფედერაციის საბჭოს საერთაშორისო საკითხთა კომიტეტის ხელმძღვანელის, გრიგორი კარასინის განცხადებაზე პრეზიდენტ სალომე ზურაბიშვილთან დაკავშირებით:
,,რა თქმა უნდა, როდესაც ნებისმიერი ქვეყნის წარმომადგენელი საქართველოს უმაღლესი ხელისუფლების წარმომადგენლებს არასათანადოდ მოიხსენიებს, არის აბსოლუტურად მიუღებელი. თუმცა, მეორეს მხრივ, ესეთ განცხადებებს, სამწუხაროდ, ჩვეული ვართ. მათ შორის – რუსეთის ზოგიერთი წარმომადგენლის მხრიდან.
ერთადერთი, რაც რუსეთის წისქვილზე ასხამს, ეს არის საქართველოს კონსტიტუციის დარღვევა. როდესაც საქართველოს კონსტიტუცია ირღვევა, ამით შემოდის არასტაბილურობა კონსტიტუციურ ორგანოებს შორის ურთიერთობაში. რა თქმა უნდა, ამით სარგებლობს რუსეთი.
რუსეთის ხელისუფლების წარმომადგენლის მხრიდან საქართველოს, მისი ხელისუფლების მიმართ კრიტიკა არ არის ახალი“, – განაცხადა შალვა პაპუაშვილმა
ინფორმაციისთვის: რუსეთის ფედერაციის საბჭოს საერთაშორისო საკითხთა კომიტეტის ხელმძღვანელი, გრიგორი კარასინი მწვავე შეფასებას აკეთებს საქართველოს პრეზიდენტის, სალომე ზურაბიშვილის განცხადებებთან დაკავშირებით:
,,მორიგი ღრმააზროვანი განცხადება გააკეთა საქართველოს პრეზიდენტმა ზურაბიშვილმა. მისი თქმით, თუ უკრაინა ვერ გაუძლებს, საქართველო და ბალტიის ქვეყნები შეიძლება გახდნენ შემდეგი, რომლებსაც რუსეთი თავს დაესხმება.
პოლიტიკური შიზოფრენია რთულად იკურნება, ქალბატონო პრეზიდენტო!” – წერს გრიგორი კარასინი ტელეგრამის არხზე.
ავტორი
ნინი ხიჯაკაძე
