“არ შეიძლება კონსტიტუცია დაარღვიო, თანაც აღიარო ეს დარღვევა და ადამიანებს ისე შეასაღო, როგორც გარდაუვალი აუცილებლობა” – გიორგი ვოლსკი პრეზიდენტთან დაკავშირებით

პარლამენტის პირველი ვიცე-სპიკერი, გიორგი ვოლსკი ტვ “იმედის” ჟურნალისტთან კომენტარს აკეთებს პრეზიდენტ სალომე ზურაბიშვილის იმპიჩმენტის საკითხზე:

,,სამწუხარო ფაქტია იცით, რომ იმპიჩმენტამდე მივედით. არ შეიძლება კონსტიტუცია დაარღვიო, თანაც აღიარო ეს დარღვევა და ადამიანებს ისე შეასაღო, როგორც გარდაუვალი აუცილებლობა დღევანდელ დღესთან შესაბამისობაში.

ამას, რასაკვირველია, სჭირდება შესაბამისი რეაგირება. იმიტომ, რომ წინააღმდეგ შემთხვევაში – შენ თუ არ სცემ შენს კონსტიტუციას პატივს, არა მგონია, რომ ვინმე იყოს ისეთი, ვინც სერიოზულად შეხედავს შენს მმართველობას“, – განაცხადა გიორგი ვოლსკიმ.

ავტორი
ნინი ხიჯაკაძე