უზენაესმა სასამათლომ წარმოებაში არ მიიღო “თიბისი ბანკის” დამფუძნებლების, ამჟამად პარტია “ლელო საქართველოსთვის” ლიდერების და ბიზნესმენ ავთო წერეთლის საქმე. აღნიშნულთან დაკავშირებით სპევიალურ განცხადებას ავრცელებს მამუკა ხაზარაძე:
“უზენაეს სასამართლოში ბრალდება ვერ დადასტურდა – ფულის გათეთრება არ ყოფილა!!
რუსების დაკვეთითა და ბიძინას პროკურატურის მიერ შეთითხნილი ფულის გათეთრების საქმე დასრულდა.
რას მიაღწიეს? – გააჩერეს ამერიკელი და ევროპელი ინვესტორები და საერთაშორისო ბანკები, ქვეყანას წაართვეს ინვესტიცია, ჩაშალეს საუკუნის პროექტის, ანაკლიის მშენებლობა, ქვეყნის განვითარება ათეული წლით უკან დახიეს და რუსების დავალება პირნათლად შეასრულეს.
რატომ არის საქართველო ასეთ მდგომარეობაში? – იმიტომ რომ კრემლის მოკავშირე, გაყიდული მთავრობა გვყავს, რომელსაც ეროვნული ინტერესი არაფრად მიაჩნია.
დაგვაზიანეს? – ვერ დაგვაზიანეს, უფრო გავმაგრდით, უფრო ნათლად დავინახეთ, ვისთან გვაქვს საქმე. ქვეყნის გამარჯვება ამათი მმართველობიდან გაშვებაზე გადის! ბრძოლა გრძელდება! სამართალი ურმით, მაგრამ მაინც დადის. მთავარია, არ გაჩერდე, არც გავჩერდებით!“, – აცხადებს მამუკა ხაზარაძე.