“მე ვიქნები იქ, სადაც იქნება პოლიტიკური ბრძოლა ივანიშვილის წინააღმდეგ – ერთმნიშვნელოვნად და ცხადად…“, – განაცხადა ნიკა გვარამიამ “მთავარი არხის” გადაცემა “ღამის მთავარში”, მის პოლიტიკურ გეგმებთან დაკავშირებით:
“ამ წუთში ღრმად ვარ იმაში დარწმუნებული, რომ ჩემი ადგილი არ არის წამყვანის მაგიდასთან, ჩემი ადგილი არის იქ, სადაც იბრძვიან ბიძინა ივანიშვილის და რუსეთის დასამარცხებლად. მე მგონია, რომ სამშობლო გვეძახის, გვეძახის ყველას!
მე მგონია, რომ ამოვწურე წამყვანის მაგიდასთან საკუთარი თავი. ტელევიზიის ხელმძღვანელადაც და მადიამენეჯერადაც, ვფიქრობ, თავი ამოვწურე, დამოუკიდებელ ჟურნალისტადაც… მე ვფიქრობ, რომ ჩემი ადგილი ამ წუთას არის იქ, სადაც პოლიტიკური მეთოდებით შეიძლება ბრძოლა და გამარჯვების მოპოვება. ვფიქრობ დავეხმარო ამ სეგმენტს“, – განაცხადა ნიკა გვარამიამ.