პრემიერ-მინისტრმა, ირაკლი ღარიბაშვილმა ჟურნალისტებთან კომენტარი გააკეთა ყოფილი მთავარი პროკურორის, ოთარ ფარცხალაძის სანქცირების საკითხთან დაკავშირებით:
,,მე გეტყვით ჩემ აზრს. ოთარ ფარცხალაძე 10 წელზე მეტია აღარ არის საჯარო მოხელე. პირველ რიგში, მინდა ვთქვა და გაკვირვება გამოვხატო, ზოგადად, რატომ მოხდა ფარცხალაძის დასანქცირება გაუგებარია, აუხსნელია პირადად ჩემვის! მე ამის თაობაზე ღიად ვამბობ ჩემ აზრს. ნათქვამია, რომ ,,ჭიქაში ქარიშხალი არის ატეხილი“.
ეს არის ძალიან მგრძნობიარე საკითხი. მე ერთი რამ მინდა განმასხვავებელი გითხრათ. ყველა ის ადამიანი, რომელიც ქვეყნის ინტერესების საზიანოდ და სხვა ქვეყნის ინტერესების სასარგებლოდ მოქმედებს, ჩემ თვალში არის მოღალატე. მნიშვნელობა არ აქვს რომელი ქვეყნის აგენტი იქნება. ის არის გამყიდველი და მოღალატე ადამიანი.
ჩემთვის და სამსახურებითვის, სახელმწიფოსთვის არ არის ცნობილი არცერთი ფაქტი, რომ ფარცხალაძემ ჩვენი ქვეყნის ინტერესის საზიანოდ და სხვა ქვეყნის ინტერესის სასარგებლოდ რაიმე ქმედება ჩაიდინა.
ფარცხალაძე არის ბიზნესმენი. ჩემთვის სასაცილოა მართლა ნამდვილი ჯაშუშების, ქვეყნის გამყიდველებისა და მოღალატეების კომენტარების მოსმენები. მე ახლა ადვოკატი არ ვარ ფარცხალაძის და არც სჭირდება ჩემი ადვოკატობა, მაგრამ როგორც მოქალაქეზე, ყოფილ გუნდის წევრზე, ყოფილი პროკურორი იყო 10 წლის წინ, ჩემს პოზიციას ვაფიქსირებ – აუცილებელია, რომ ჩვენ ბრმად არ მივიღოთ ეს გადაწყვეტილება ჩვენი პარტნიორის, რომელსაც დიდ პატივს ვცემთ“, – განაცხადა ირაკლი ღარიბაშვილმა.
ავტორი
ნინი ხიჯაკაძე
