“ბაღის ბავშვების ზღაპარიც კი აღარაა თქვენი განცხადების ბოლო პუნქტი…” – ელისო კილაძე სალომე ზურაბიშვილს მიმართავს

საქართველოს პრეზიდენტის, სალომე ზურაბიშვილის მიერ ბოლო დღეებში მიღებული კონკრეტული გადაწყვეტილებები საზოგადოების განსჯის საგანი გახდა. ამასთან დაკავშირებით განმარტებები გააკეთა პრეზიდენტის ადმინისტრაციამ, რასაც მწვავე შეფასებებით გამოეხმაურა “ქრონიკა +”-ის დამფუძნებელი, ელისო კილაძე:

“ქ-ნო პრეზიდენტო, ჩვენთვის “ქართული ოცნება” დიდი ხანია ლუსტრირებულია და ამისთვის, ხილ-ბოსტნის სპეციალისტის ეროვნულ ბანკში წარდგენა საჭირო არ იყო.

ბაღის ბავშვების ზღაპარიც კი აღარაა თქვენი განცხადების ბოლო პუნქტი…“, – წერს ფეისბუქის პირად გვერდზე ელისო კილაძე.

ინფორმაციისთვის: ეროვნული ბანკის საბჭოს წევრობის კანდიდატების წარდგენა პრეზიდენტის ადმინისტრაციამ შემდეგნაირად განმარტა: “რაც ეხება ეროვნული ბანკის საბჭოს წევრობის კანდიდატებს, ყველას მიერ პროფესიონალად და გამოცდილ კადრად აღიარებული გიორგი ბაქრაძის კანდიდატურის საჯარო და სამარცხვინო ჩაგდების შემდეგ, საჭირო გახდა უმრავლესობის მიერ წარმოებული ამ მანკიერი პროცესის ლუსტრაცია, რომელიც პარლამენტმა 21 სექტემბერს 82 და 83 ხმით დაამტკიცა“.