“ადამიანებს, რომლებსაც კონკრეტული პრობლემები აწუხებთ, საერთოდ არ აინტერესებთ ბიძინა ივანიშვილის რუსული თამაშები!” – ლევან ხაბეიშვილი

,,გამარჯვების პლატფორმის“ ერთ-ერთი ლიდერი, ,,ერთიანი ნაციონალური მოძრაობის“ თავმჯდომარე, ლევან ხაბეიშვილი თბილისში, ვეძისის დასახლების მოსახლეობას შეხვდა, სადაც მაცხოვრებლების პრობლემები მოისმინა:

,,ვეძისში, საბურთალოზე მოსახლეობას შევხვდით. ადამიანებს, რომლებსაც კონკრეტული პრობლემები აწუხებთ, საერთოდ არ აინტერესებთ ბიძინა ივანიშვილის რუსული თამაშები. მათ აინტერესებთ ერთი რამ – საქართველო როგორ გახდება ევროკავშირის წევრი, როგორ იქნება უსაფრთხოება უზრუნველყოფილი, როგორ იქნება ეკონომიკური დოვლათი უზრუნველყოფილი.

მათ უნდათ ევროპაში ცხოვრება, ამ ადამიანებს გაგონება არ უნდათ ,,ეფესბეს“ აგენტების, ჯაშუშების, ფარცხალაძის, ღარიბაშვილის, ივანიშვილის. ამ ხალხს გადაწყვეტილება უკვე მიღებული აქვს!“, – განაცხადა ლევან ხაბეიშვილმა.

ავტორი
ნინი ხიჯაკაძე