“ერთადერთი, ვინც ჩვენს სამარცხვინო ყოფას ცოტა ანეიტრალებს უკრაინაში მებრძოლი ქართული ლეგიონია” – ნინო ჯანგირაშვილი

ტელეკომპანია “კავკასიას” გენერალური დირექტორი, ნინო ჯანგირაშვილი სიამაყის განცდით საუბრობს უკრაინაში მებრძოლ ქართულ ლეგიონზე და ერთგვარ განაწყენებას აფიქსირებს საქართველოს საზოგადოებასთან მიმართებაში, გახმაურებულ ფაქტებზე არასათანადო რეაგირების გამო:

“ერთადერთი, ვინც ჩვენს სამარცხვინო ყოფას ცოტა ანეიტრალებს, უკრაინაში მებრძოლი ქართული ლეგიონია. ეგენიც რომ არ იყვნენ, მთელი მსოფლიო ყველა ქართველს უთავმოყვარეო, მშიშარა, სამარცხვინო მონებად ჩაგვთვლიდა.

ღარიბაშვილს და კალაძეს რომ თავზე დაისვამს ხალხი და პანღურით არ გაყრის ერთ დღეში, იმათზე რა წარმოდგენის უნდა იყოს ვინმე?

უკრაინელების ჩაწერილი ინტერვიუები მხვდება ამ დღეებში სულ ჩვენს მებრძოლებთან და მართლა ეგ ხალხია ცოტა ღირსებას რომ გვინარჩუნებს“, – წერს ფეისბუქის პირად გვერდზე ნინო ჯანგირაშვილი.