მთავრობის ყოფილი მეთაური, პარტია “საქართველოსთვის” თავმჯდომარე გიორგი გახარია ვიდეომიმართვას ავრცელებს, სადაც ქვეყანაში არსებულ მძიმე რეალობაზე საუბრობს:
“დღეს საქართველოში აღარ არის წესრიგი – არც სამართლებრივი კანონის წესრიგი და აღარც მორალური წესრიგი.
იმიტომ, რომ კორუფცია, პოლიტიკური კორუფცია სპობს ნებისმიერი სახის წესრიგს.
იმიტომ, რომ ღარიბ ქვეყანაში კორუფცია ამორალურია.
დღეს საქართველოში ემიგრაცია მასობრივი პრობლემა გახდა და თითქმის არ დარჩა ოჯახი, რომელსაც ქვეყნიდან წასული ოჯახის წევრის პრობლემა არ აქვს.
ტრაგედიაა ის, რომ ქართველ ემიგრანტებში ახალგაზრდების ხვედრითი წილი 80%-ზე მეტია.
დღევანდელ საქართველოში მილიონ 200 ათასი ადამიანია რეგისტრირებული სოციალური დაცვის სისტემაში. მათგან 670 ათასი ყოველთვიურ შემწეობას იღებს, ხოლო ამათგან 229 ათასი 15 წლამდე ბავშვია. ეს ის ბავშვები არიან რომლებსაც, ყოველდღიურად, არასრულფასოვანი კვების პრობლემა აქვთ.
ასეთ საქართველოში ნებისმიერი სახის პოლიტიკური, სისტემური კორუფცია არა მხოლოდ დანაშაულია, ასეთ ღარიბ საქართველოში კორუფცია სამშობლოს ღალატის ტოლფასია!” – აცხადებს გიორგი გახარია.