“სისტემა არის მთლიანად გახრწნილი!” – მიშა მშვილდაძე

ტელეკომპანია ,,ფორმულას” თანადამფუძნებელ მიშა მშვილდაძეზე თავდასხმის ფაქტზე საგამოძიებო სამსახურმა საქმე დახურა, რასაც დაზარალებული მწვავე კომენტარით გამოეხმაურა:

,,სამწუხარო ეს არის, რომ სისტემა არის მთლიანად გახრწნილი! სუს-ის ჩვენებები არის აბსოლუტურად გახრწნილი! ისეთ სისულელეებს ბოდავენ, რომ ვითომ იქ ვიღაცა სხვას უთვალთვალებენ – სრულად გახრწნილია. მერე ამაში უკვე ჩართულია პროკურატურა. იმიტომ, რომ პროკურატურაც სიყალბეს უდასტურებს – ,,კიო, კიო, იქ ვიღაცა ,,რუმსიდან” მომავალს, იქ, გმირთა მოედანზე დაანებეს თვალთვალს და აქ მოუწყვეს – აქ ხომ არ მოვიდოდა დელისთან?!“

კიდევ 4 ადამიანი იდენტიფიცირებული არ არის, ვინ არიან; ის მანქანებიც იდენტიფიცირებული არაა; ტელეფონის ანძებიდან ჩანაწერები არ არის ამოღებული. ეს ახლა მართლა, რაც მობილური ტელეფონი არსებობს ამ ქვეყანაში და დანაშაული მოხდა, პირველი, რაც ხდება ხოლმე ეგ არის, რომ ანძებიდან ამოწმებენ – ვისთან რეკავდა? ვისთან იყო კონტაქტზე? ესენი რომ გაეგოთ და ეს არ ამოუღიათ“, – მიშა მშვილდაძემ

ინფორმაციისთვის: 27 ივნისს ფორმულას“ ერთ-ერთ დამფუძნებელსა და ტელეწამყვანს, მიშა მშვილდაძეს თავს დაესხნენ. მან დაზიანებები სახის არეში მიიღო.

ავტორი
ნინი ხიჯაკაძე