“როდესაც იმპიჩმენტის საკითხი დადგება კენჭისყრაზე პარლამენტში, ოპოზიციის არცერთი წევრი არ უნდა შევიდეს სასესიო დარბაზში” – ანა წითლიძე პრეზიდენტის იმპიჩმენტზე

,,ერთიანი ნაციონალური მოძრაობის” პოლიტიკური საბჭოს წევრი, საქართველოს პარლამენტისა დეპუტატი ანა წითლიძე კომენტარს აკეთებს პრეზიდენტ სალომე ზურაბიშვილის წინააღმდეგ დაწყებული იმპიჩმენტის საკითხთან დაკავშირებით:

,,პირველ რიგში, საუბარი პრეზიდენტთან იყო კანდიდატის სტატუსთან დაკავშირებით. ეს არის პირველი და უმთავრესი საკითხი, რომელიც ამ წუთას იმპიჩმენტზე მეტად, რეალურად, რაც საუბარში გამოიკვეთა, საქართველოს პრეზიდენტს აღელვებს. საკუთარ იმპიჩმენტზე ნაკლებად ღელავს.

მე შემიძლია ვთქვა ერთი რაღაც – ჩვენი პოზიცია იმპიჩმენტთან დაკავშირებით არის ეს, რაც არის, რომ ჩვენ მხარს არ ვუჭერთ! უფრო მეტი, ალბათ, იმპიჩმენტის საკითხი რომ დავაზღვიოთ, ჩვენ შეგვიძლია ვქნათ ძალიან მარტივი რაღაცა – ხალხნო, არის ის, როდესაც იმპიჩმენტის საკითხი დადგება კენჭისყრაზე პარლამენტში, არცერთი ოპოზიციის წევრი უბრალოდ არ უნდა შევიდეს სასესიო დარბაზში. ამით გამორიცხოს აბსოლუტურად ყველანაირი სპეკულაცია. თორემ ბოიკოტთან დაკავშირებით მე ისე კარგად მახსოვს ბატონი ელისაშვილი გაყიდული, როგორც დაგიბარებიათ“, – განაცხადა ანა წითლიძემ.

ავტორი
ნინი ხიჯაკაძე