,,ევროპული საქართველოს” თავმჯდომარე, გიგა ბოკერია პოლიტიკურ შეფასებას აკეთებს ევროკავშირის უმაღლესი წარმომადგენლის, ვიცე-პრეზიდენტის ჯოზეფ ბორელის საქართველოში ვიზიტთან დაკავშირებით:
,,არაფერი არ შეიცვლება, იმისდა მიუხედავად, ბორელს რას ეტყვიან. ჩვენ ვიცით, რომ ეს არის რეჟიმი, რომელიც სხვადასხვა აუდიტორიისთვის სხვადასხვა გზავნილს აკეთებს ხოლმე. ჩვენ, არავინ არ უნდა მოვტყუვდეთ. რა გადაწყვეტილებაც არ უნდა მიიღოს ბრიუსელმა და ბორელმა, სხვადასხვა არგუმენტების მოშველებით, ამ დისკუსიაში – არც კი უნდა შევიდეთ.
ჩვენ უნდა გვესმოდეს, რომ სანამ არ გვეყოლება მთავრობა, რომელიც სწორი გაგებით ,,პაპზე უფრო კათოლიკეა”, როცა საქართველოს დასავლური ინტეგრაციისთვის იბრძვის, ჩვენი ეროვნული ინერესებიდან გამომდინარე, სხვისთვის კი არა – ჩვენთვის, მანამდე ჩვენ ეროვნულ ამოცანას ვერ გადავწყვეტთ.
ამიტომ ეს ვიზიტი, რა თქმა უნდა, სხვა ვითარებაში იქნებოდა მნიშვნელოვანი და ნორმალურ ვითარებაში ამას უნდა მივანიჭოთ განსაკუთრებული მნიშვნელობა. ოღონდ ამ ხელისუფლების პირობებში, იმისდა მიუხედავად, ზეგ შეამსუბუქებენ თუ არა ანტიდასავლურ რიტორიკას, რამე სიმბოლურ ნაბიჯს გადადგამენ თუ არა, შეამსუბუქებენ – ეს ყველაფერი არის მეათე ხარისხოვანი იმ მძიმე ვითარებაში, რომელშიც ვართ, როცა არ გვყავს მთავრობა, რომელიც იბრძვის ჩვენი უსაფრთხოებისთვის დასავლური ინტეგრაციის გზაზე“, – განაცხადა გიგა ბოკერიამ.
ინფორმაციისთვის: ევროკავშირის უმაღლესი წარმომადგენელი, ვიცე-პრეზიდენტი ჯოზეფ ბორელი საქართველოს 7-8 სექტემბერს ეწვევა.
ავტორი
ნინი ხიჯაკაძე
