ოპოზიციონერი პოლიტიკოსი, კობა ხაბაზი რუსთაველის გამზირზე მიმდინარე საპროტესტო აქციებს და აქტივისტების სხვადასხვა ჯგუფების პარლამენტის წინ ყოველდღიურ შეერთებას ემოციური შეფასებებით და კონკრეტული განმარტებებით ეხმაურება:
“შემოერთება – ეს წუთები რუსთაველზე ყველაზე ამაღელვებელია.
გარკვეულწილად ეს არის პასუხი შეკითხვაზე თუ რა აზრი აქვს ამ ყოველდღიურ აქციას, მსვლელობასა თუ პროტესტს.
როცა შენს სიმართლეში დარწმუნებული ხარ, როცა სამშობლო რუსული ჭაობისთვის არ გემეტება, არჩევანი აღარ გრჩება, დიახ, ყოველდღიურად უნდა აპროტესტო, ჯიუტად და დაუღლელად.
ეს ვალდებულებაა, ვალდებულება სამშობლოს წინაშე.
ადამიანი შეიძლება ობიექტური მიზეზების გამო ვერ ახერხებს პროტესტზე მოსვლას, ამაში დასაძრახი არაფერია, მაგრამ მოუსვლელიბის გამართლებას “რა აზრი აქვს” საბაბით როცა იწყებს, ეს უკვე ცუდია, ძალიან ცუდი.
ბრძოლას ყოველთვის აქვს აზრი“, – წერს კობა ხაბაზი ფეისბუქის პირად გვერდზე.
