“სალომე ზურაბიშვილსა და რადიკალურ ოპოზიციას აქვთ ერთი და იგივე დღის წესრიგი” – ირაკლი კობახიძე

,,ქართული ოცნების” თავმჯდომარე, ირაკლი კობახიძე ჟურნალისტებთან კომენტარს აკეთებს, თუ რა არის პრეზიდენტ სალომე ზურაბიშვილის ევროპელ ლიდერებთან შეხვედრის მიზანი:

,,სალომე ზურაბიშვილსა და რადიკალურ ოპოზიციას აქვთ ერთი და იგივე დღის წესრიგი, ამას ყველა ხედავს. მათი რიტორიკაც ერთი-ერთში ემთხვევა. აქედან გამომდინარე, გასაკვირი არ არის, რომ ისინი, ასე ვთქვათ, ერთნაირი ინტერესით მოქმედებენ. ეს არის მათი დღის წესრიგი, რაც გამომდინარეობს იქედან, რომ მათ ჰყავთ, როგორც უკვე არაერთგზის აღვნიშნე, საერთო პატრონი – გლობალური ომის პარტია.

ისინი ყველაფერს აკეთებენ იმისთვის, რომ ერთი – საქართველოს არ მიენიჭოს კანდიდატის სტატუსი. ეს არის მათი უმთავრესი ინტერესი და მეორე – თუ მაინც მიენიჭება ქვეყანას კანდიდატის სტატუსი და ამ კუთხით პერსპექტივა არის გაზრდილი ბოლო 2-3 თვის განმავლობაში, სალომე ზურაბიშვილი მაქსიმალურად ეცდება, რომ თავის თავზე მიიწეროს“, – განაცხადა ირაკლი კობახიძემ.

ავტორი
ნინი ხიჯაკაძე