,,სტრატეგია აღმაშენებლის“ პოლიტიკური საბჭოს წევრი, სერგო ჩიხლაძე ჟურნალისტებთან კომენტარს აკეთებს ჩოხატაურში მომხდარ ძალადობაზე და ფაქტთან დაკავშირებით მმართველი პარტიის რეაგირებასა თუ განცხადებებზე:
,,ჩვენ მოვისმინეთ ,,ქართული ოცნების“, სამთავრობო წარმომადგენლების, იგივე ადგილობრივი მერის რეაქცია, რომელიც აბსოლუტურად ამართლებდა და ამართლებს ამ ძალადობას.
,,ქართული ოცნება“ ფასადურადაც კი არ აღშფოთდა. ეს კიდევ ერთი დასტურია, რომ ფასადური დემოკრატიაც აღარ არის საქართველოში“, – განაცხადა სერგო ჩიხლაძემ.
ინფორმაციისთვის: გუშინ, ჩოხატაურში ,,ნაციონალური მოძრაობისა“ და ,,ქართული ოცნების“ წარმომადგენლებს შორის დაპირისპირება მოხდა, რის შედეგადაც ,,ენმ“-ს რამდენიმე წევრმა ფიზიკური დაზიანება მიიღო.
ავტორი
ნინი ხიჯაკაძე
