თბილისის საკრებულოს ფრაქცია ,,ერთიანი ნაციონალური მოძრაობის” თავმჯდომარის მოადგილე, სოფო ჯაფარიძე ტვ ,,პირველის” ჟურნალისტთან კომენტარს აკეთებს ,,ერთიან ნაციონალურ მოძრაობაში” მიმდინარე მოლაპარაკებებზე პარტიის ყოფილ თუ პროცესებში ჩართულ პოლიტიკურ სახეებთან:
,,რასაკვირველია, გიგი უგულავაც, ლევან თარხნიშვილიც, გოკა გაბაშვილიც – ისინი არიან ჩვენი ძალიან ღირსეული თანამებძოლები. ძალიან მნიშვნელოვანია მათი ჩვენთან ყოფნა. მე მივესალმები.
[ჟურნალისტის შეკითხვა]: თქვენი ინფორმაციით, შეხვედრები აქვთ მათ, ხვდებიან პარტიის წევრებს, ასევე, სხვადასხვა ადამიანებს? თუ ჰქონდათ თქვენთან კომუნიკაცია?
მე მათთან ვმეგობრობ. რასაკვირველია, არაერთხელ მქონია შეხვედრა, მათ შორის, ბოლო დღეების განმავლობაში.
ერთობა იქნება ძალიან მასშტაბური.
არა მხოლოდ ეს ადამიანები, ძალიან ბევრი ადამიანი, როგორც პოლიტიკოსი, ისე სამოქალაქო საზოგადოების წევრი შემოგვიერთდება. საბოლოოდ, ძალიან კარგ ფორმაში და ძალიან ძლიერები შევხვდებით ამ ძალიან რთულ წელს.
[ჟურნალისტის შეკითხვა]: სამდივნოს ფორმა ექნება?
არ ვიცი, ჯერ არ არის გადაწყვეტილი – ამას ექნება სამდივნოს ფორმა, თუ რაიმე სხვა სახელი ერქმევა, მაგრამ უნდა იყოს ერთობა. ერთობას უკვე რა სახელს დავარქმევთ, მე ვფიქრობ, რომ ამას გადამწყვეტი მნიშვნელობა არ აქვს.
[ჟურნალისტის შეკითხვა]: თუ იცით, გიგი უგულავა ნიკა მელიას შეხვდა?
მე არ ვიცი გიგი უგულავა და ნიკა მელია შეხვდნენ თუ არა ერთმანეთს, მაგრამ ძალიან მოხარული ვიქნები, მათ შორის, ერთად თუ შევხვდებით ერთმანეთს და რაღაცა გარკევულ შეთანხმებამდე მივალთ“, – განაცხადა სოფო ჯაფარიძემ.
ინფორმაციითვის: ოპოზიციონერმა პოლიტიკოსმა, გიგი უგულავამ სოციალურ ქსელში პოსტი გამოაქვეყნა სადაც აღნიშნავს, რომ “მე “ნაციონალურ მოძრაობაში” დავბრუნდი 2021 წელს, მერე არსად წავსულვარ და არც წასვლას ვაპირებ“,…
ავტორი
ნინი ხიჯაკაძე
