პარლამენტის ადამიანის უფლებათა და სამოქალაქო ინტეგრაციის კომიტეტის თავმჯდომარე მიხეილ სარჯველაძე პოლიტიკურ შეფასებას აკეთებს თბილისის საკრებულოს ფრაქცია ,,ერთიანი ნაციონალური მოძრაობის” თავმჯდომარის მოადგილის, სოფო ჯაფარიძის მიერ დაანონსებულ კამპანიასა და მასში საქართველოს მე-3 პრეზიდენტის, მიხეილ სააკაშვილის ჩართულობასთან დაკავშირებით:
,,საარჩევნო კამპანიას მიხეილ სააკაშვილი, წესით, ვერ უნდა ახორციელებდეს, ქართულ პოლიტიკაში მას ადგილი, უბრალოდ, აღარ დარჩა. ეს შეიძლება მისი სურვილი იყოს, მისი მცდელობები ვიხილოთ, მაგრამ ეს არ არის მართლზომიერი.
რასაკვირველია, მას აქვს გარკვეული ნეგატიური დამოკიდებულებები მისი პარტიის არაერთი დაჯგუფებისა და ფლანგის მიმართ. რა თქმა უნდა, მათ შორის, იმ ხალხის მიმართ ვინც წავიდა, ვინც შეიძლება დარჩა და, რასაკვირველია, ეცდება, რომ წამოიწყოს რაღაც განსხვავებული, ისეთი თამაში, რომლითაც შეძლებს, რომ დამალოს, ასე ვთქვათ, ის მანკიერებები, რომლებიც მისი პოლიტიკური პარტიისთვის არის დამახასიათებელი.
მე არ მგონია, რომ წარმატებული შეიძლება იყოს ასეთი მცდელობა“, – განაცხადა მიხეილ სარჯველაძემ.
ავტორი
ნინი ხიჯაკაძე
