პარლამენტის დიასპორისა და კავკასიის საკითხთა კომიტეტის თავმჯდომარე, ბექა ოდიშარია, პარლამენტში გამართულ ბრიფინგზე, კონკრეტულ განმარტებებს აკეთებს მმართველი პარტიის თავმჯდომარის, ირაკლი კობახიძის მიერ სინანულის გამოხატვაზე შოვში სტიქიას გადარჩენილ დავით ჯელაძესა თუ სხვებთან დაკავშირებით ადრე გაკეთებული განცხადების გამო:
,,ირაკლი კობახიძე არის ერთ-ერთი, როგორც ძალიან მაღალი რანგის პოლიტიკოსი, ისე ძალიან გულწრფელი ადამიანი. შესაბამისად, მის ამ სინანულში ეჭვი არავის არ უნდა ეპარებოდეს. მითუმეტეს, მე არ მეპარება, რადგან ძალიან კარგად ვიცნობ ამ ადამიანს.
მაშინ, როდესაც მტრულად არის განწყობილი ოპოზიცია, ოპოზიციური მედია-საშუალებები, მოდიან ეს ხალხი ადგილზე, სტიქიის ზონაში, ამბობენ რომ თქვენი ბრალია, “ქართული ოცნების” ქმედებამ გამოიწვია ადამიანთა დაღუპვა, ამ ფონზე როდესაც გაჩეჩებენ ხელში რაღაც სურათს, შესაძლებელია მოხდეს, ადამიანმა დაუშვას შეცდომა, რაზეც ვფიქრობ, კობახიძემ ვაჟკაცურად და ღირსეულად ისაუბრა. და სიტყვა სინანული, მე ვფიქრობ, ეს არის მაღალი ღირსების აღმნიშვნელი“, – განაცხადა ბექა ოდიშარიამ.
ავტორი
ნინი ხიჯაკაძე
