“ქართული ოცნების” წარმომადგენლების ერთადერთი ფუნქცია არის ბევრი ფულის გაკეთება, გამდიდრება – სერგო ჩიხლაძე

რაჭაში, შოვში მომხდარ ტრაგედიასთან დაკავშირებით ოპოზიციის ნაწილი მოითხოვს, რომ პარლამენტში შეიქმნას სპეციალური საგამოძიებო კომისია, რომელიც პასუხისმგებელი ორგანოს თუ თანამდებობის პირების ბრალეულობას დაადგენს. თემასთან დაკავშირებით ჟურნალისტებთან კომენტარი გააკეთა ,,სტრატეგია აღმაშენებლის“ პოლიტიკური საბჭოს წევრმა, სერგო ჩიხლაძემ:

,,უამრავი კითხვა არსებობს, პასუხი არ არსებობს. უფრო სწორად, ლოგიკური პასუხი არ არსებობს, თორემ პასუხი ვიცით, რაც არის – ეს არის გულგრილობა, კორუფცია, არაკომპეტენტურობა, დაუდევრობა.

უბრალოდ ის, რომ შესაბამისი ადამიანები და სტრუქტურების ხელმძღვანელები – მინისტრები, ,,ქართული ოცნების“ წარმომადგენლები თავიანთ ფუნქციას არ ასრულებენ.

მათი ერთადერთი ფუნქცია არის ბევრი ფულის გაკეთება, გამდიდრება“, – განაცხადა სერგო ჩიხლაძემ.

ავტორი
ნინი ხიჯაკაძე