თბილისის მერის, კახა კალაძის მიერ ბრიფინგზე გაკეთებულ განმარტებებს, თავისი შვილების რაჭიდან გამოყვანასთან დაკავშირებით, კონკრეტული შეთავაზებებით ეხმაურება “ქრონიკა პლიუსის” მთავარი რედაქტორი, ელისო კილაძე:
“ადამიანურად, არ მჯერა რომ კახი კალაძემ მისი შვილები სხვის შვილებზე ადრე გამოიყვანა ვერტმფრენით სტიქიის ზონიდან.
მაგრამ… მთელი ცხოვრება რომ სპეკულაციის საგანი არ იყოს ეს თემა, მან უნდა დადოს მტკიცებულება.
ჭკვიანი კამერები ყველგანაა,112-ის კამერებიც, ჩანაწერი იმის დასტურად, რაც დღეს განაცხადა.
სხვა შემთხვევაში, ეჭვები სულ დარჩება და ჟურნალისტებთან ჩხუბი ამას ვერ გააქარწყლებს!” – წერს ფეისბუქის პირად გვერდზე ელისო კილაძე.
