“როდესაც სუბარი გვესაუბრება რომელიმე ოპოზიციური პარტიის აკრძალვაზე – ეს არის მხოლოდ რუსული პროპაგანდა!” – ხატია დეკანოიძე

საქართველოს პარლამენტის წევრი, ხატია დეკანოიძე კომენტარს აკეთებს ,,ხალხის ძალის“ წევრის, სოზარ სუბარის ინიციატივაზე, რომ „ნაციონალური მოძრაობა“ არის დანაშაულებრივი რეჟიმი და უნდა გასამართლდეს:

,,წინა საარჩევნო ხრიკი, ტოქსიკური პროპაგანდა, რომელზეც ვფიქრობ, რომ ადამიანები უბრალოდ აღარ წამოეგებიან. რა თქმა უნდა, ობიექტური გამოძიების, ობიექტური სასამართლოს პირობებში უნდა დადგინდეს, მათ შორის, შავაძესთან დაკავშირებით, რომლის საქმეც, მე ვფიქრობ, რომ არის ძალიან სერიოზული შავი ლაქა.

იმ შემთხვევაში, როდესაც ჩვენ სუბარი გვესაუბრება რომელიმე პარტიის აკრძალვაზე და ოპოზიციური პარტიის აკრძალვაზე – ეს არის მხოლოდ რუსული პროპაგანდა, რომელსაც არავითარი საფუძველი არ აქვს განვითარდეს იმიტომ, რომ ეს ჩვენ გვესმის უკვე 11 წელი და ეს არის მხოლოდ და მხოლოდ საკუთარი ამომრჩევლებისთვის გადაყრილი საკენკი“, – განაცხადა ხატია დეკანოიძემ.

ავტორი
ნინი ხიჯაკაძე