ევროკავშირმა მორიგი ანგარიში გამოაქვეყნა, სადაც საუბარია ევროკომისიის რეკომენდაციების შესრულების პროცესზე. თემასთან დაკავშრებით მწვავე შეფასებას აკეთებს “სტრატეგია აღმაშენებლის” თავმჯდომარე, “გამარჯვების პლატფორმის” ლიდერი, გიორგი ვაშაძე:
,,ევროკავშირის ეს ანგარიში ,,ქართულ ოცნებას’’ უნდა, რომ კვლავ უკუღმა წაიკითხოს. ეს უკუღმართად წაკითხული ანგარიში უნდათ, რომ საქართველოს მოქალაქეებს შეასაღონ.
რა არის მთავარი პრობლემა? ქვეყანაში მართლმსაჯულება არ გვაქვს! 12 პუნქტიდან 9 შეუსრულებელია! ეს ყველამ ძალიან კარგად ვიცით. ,,ქართულმა ოცნებამ’’, რაც არ უნდა ილაპარაკოს ამაზე, ეს ცალსახაა. ეს დასკვნაა ევროკომისიის მხრიდან.
ნახეთ, მთავარი რა არის ამ დასკვნაში – ეს ადამიანები ამბობენ, ,,კანონში ბევრი რამ კი კარგად წერია, მაგრამ ამის აღსრულება არ ხდება“. ეს არის სწორედ არაფორმალური მმართველობა.
კორუფციაზეა იქ საუბარი. იცით, რომელ კორუფციაზე? ხელისუფლებაში ცალ-ცალი ,,კალოშით“ რომ მოვიდნენ და დღეს, მულტიმილიარდერები რომ არიან’’, – განაცხადა გიორგი ვაშაძემ.
ავტორი
ნინი ხიჯაკაძე
