პარტია ,,ლელო საქართველოსთვის’’ საერთაშორისო მდივანი, გრიგოლ გეგელია ,,მთავარი არხის“ ჟურნალისტთან მწვავე კომენტარს აკეთებს ,,ქართული ოცნების’’ პოლიტიაზე, რაც უკავშირდება ბათუმის პორტში რუსი ტურისტების საკრუიზო ლაინერის შემოსვლას:
,,ეს არის ისეთივე დივერსიული აქტი, როგორიც იყო ,,გავრილოვის ღამე’’, როგორიც არის პუტინისტების შემოშვება ამ ქვეყანაში, პუტინის კრიტიკოსების არ შემოშვება ამ ქვეყანაში.
საქართველოს რუსული ხელისუფლება ყველაფერს აკეთებს იმისათვის, რომ თავისი საზოგადოების, ერისა და სახელმწიფოს წინააღმდეგ პრორუსული დივერსიები ჩაატაროს. რისი მიზანიც, რა თქმა უნდა, არის კრემლის სანუკვარი ოცნების ახდენა – ეს არის, თავის მხრივ, საქართველოში დესტაბილიზაციის შექმნა.
რა თქმა უნდა, რეალურად ქართულ ხელისუფლებას შეეძლო, რომ ეს გემი არ შემოეშვა, რადგან ძალიან კარგად იყო ცნობილი საზოგადოების პოზიციაც; ძალიან კარგად იყო ცნობილი, რომ ამ გემით გადაადგილდებიან ,,ოკუპაციის შესახებ კანონის“ დამრღვევები. ამის მიუხედავად, საქართველოს რუსულმა ხელისუფლებამ ყველაფერი გააკეთა, რომ ეს გემი საქართველოში შემოსულიყო’’, – განაცხადა გრიგოლ გეგელიამ.
ავტორი
ნინი ხიჯაკაძე
