,,სტრატეგია აღმაშენებლის” პოლიტიკური საბჭოს წევრი, სერგო ჩიხლაძე ჟურნალისტებთან მწვავე კომენტარს აკეთებს ,,ქართული ოცნების” პოლიტიკაზე ქვეყანაში რუსეთის მოქალაქეების შემოსვლასთან დაკავშირებით:
,,ეს არის ,,ქართული ოცნების” 11 წლიანი პოლიტიკის შედეგი, როდესაც ქართველები, საქართველოს მოქალაქეები ამ ქვეყნიდან გარბიან და მათ რუსები ანაცვლებენ.
ცნობილი დოქტრინა, ჯერ კიდევ რუსეთის იმპერიის, მერე საბჭოთა კავშირის დროს, სუსლოვის დროს დოქტრინა, რომ ,,საქართველო ქართველების გარეშე. საქართველო კარგია, როგორც ტერიტორია, როგორც გასართობი ობიექტი, მაგრამ ქართველების გარეშე”, – აი, ამას ასრულებს რუსეთი და ხაზს ვუსვამ, საქართველოს ხელისუფლება ერთობლივად.
თავისი ბიზნესები გახსნეს. 2022 წლის მონაცემებით, 10 თვის განმავლობაში 15 000 ბიზნესი დაარეგისტრირეს რუსეთის მოქალაქეებმა, 60 000-ზე მეტი საბანკო ანგარიში გახსნეს”, – განაცხადა სერგო ჩიხლაძემ.
ავტორი
ნინი ხიჯაკაძე
