“ინფორმაცია, რომელიც ლობისტების შესახებ FARA-ს დოკუმენტებში მჟღავნდება ჩვენ, ქართველ ხალხს ძალიან ბევრი დასკვნის გაკეთების საშუალებას გვაძლევს” – ნინო წილოსანი

პარლამენტის აგრარულ საკითხთა კომიტეტის თავმჯდომარე, ნინო წილოსანი ჟურნალისტებთან კომენტარს აკეთებს FARA-ს მიერ გამოქვეყნებულ დოკუმენტებთან დაკავშირებით და აცხადებს, რომ აღნიშნული მასალები არის თვალსაჩინო მაგალითი, თუ როგორ ხდება საქართველოს მე-3 პრეზიდენტის, მიხეილ სააკაშვილის მხარდაჭერის პროცესი:

,,საზოგადოება თავად ძალიან მკაფიოდ და ნათლად იმსჯელებს, თუ რა მნიშვნელობის არის თითოეული ინფორმაცია, რომელიც ამ დოკუმენტებიდან გავიგეთ. რა თქმა უნდა, ყოველ შემდეგ ჯერზე ჩვენ და ზოგადად, საზოგადოებას ნათელა წარმოდგენა ექნება, თუ რას შეიძლება უკავშირდებოდეს და რამდენად არაკეთილსინდისიერი საშუალებებით შეიძლება იყოს მოპოვებული სააკაშვილის თუ ,,ნაციონალური მოძრაობის” მხარდაჭერა, რომელიც რიგ შემთხვევაში ევროპარლამენტარების ან სხვა საერთაშორისო რაღაც პარტნიორების ან წარმომადგენლების მხრიდან ხორციელდება.

ამერიკის კანონმდებლობით, რა თქმა უნდა, ლობიზმი არ არის დანაშაული, თუმცა, ინფორმაცია, რომელიც ლობისტების შესახებ FARA-ს დოკუმენტებში მჟღავნდება ჩვენ, ქართველ ხალხს ძალიან ბევრი დასკვნის გაკეთების საშუალებას გვაძლევს”, – განაცხადა ნინო წილოსანმა.

ავტორი
ნინი ხიჯაკაძე