ამერიკის შეერთებული შტატების ელჩი საქართველოში, კელი დეგნანი ჟურნალისტებთან კომენტარს აკეთებს ბათუმის პორტში, რუსული საკრუიზო გემის შემოსვლასთან დაკავშირებით საქართველოს მოქალაქეების რეაქციაზე და აცხადებს, რომ მოსახლეობის ქმედება სავსებით გასაგები იყო:
,,საკრუიზო გემთან დაკავშირებით მნიშვნელოვანი იყო ქართველი ხალხის რეაქცია და თქვენ ეს იხილეთ. ქართველი ხალხი არ მიესალმა ამ გემის შემოსვლას.
ყველამ ვიცით ქართველების სტუმართმოყვარეობა, თუმცა, არ არის გასაკვირი, რომ მათ ეს რეაქცია ჰქონდათ იმ ადამიანების სტუმრობაზე, ვინც საქართველოს ოკუპაციას ახდენს; ვინც აიძულებს, რომ ოჯახები დაიყოს; ვინც აკავებს საქართველოს მოქალაქეებს.
ქართველი ხალხის რეაქცია, რაც ვნახეთ იყო გასაგები!“, – განაცხადა კელი დეგნანმა.
ავტორი
ნინი ხიჯაკაძე
