“საკრუიზო ლაინერის ამბავიც არის ჰიბრიდული ომის კომპონენტი” – პაატა მანჯგალაძე

პარლამენტის წევრი, პარტია “სტრატეგია აღმაშენებლის” გენერალური მდივანი, პაატა მანჯგალაძე ჟურნალისტებთან მწვავე კომენტარს აკეთებს ბათუმის პორტში რუსული საკრუიზო გემის შემოსვლის საკითხთან დაკავშირებით:

,,საკრუიზო ლაინერის ამბავიც არის ჰიბრიდული ომის კომპონენტი, რომ ხალხს უთხრან – ,,რუსები მტრები კი არ არიან, ესე ფერად-ფერადი საყვარლები არიან. არაფერი ცუდი არ უდგათ”.

ჩვენ ვამბობთ, რომ ნებისმიერ რუსთან დაკავშირებით ორი რამე უნდა გავაკეთოთ: არ უნდა იყოს 1 წელი რუსებისთვის აქ უვიზოდ ყოფნა და მეორე, ყველამ უნდა მოაწეროს ხელი, რომ აღიარებს საქართველოს საერთაშორისოდ აღიარებულ საზღვრებს.

უფრო მეტიც, რუსეთის მოქალაქეებისთვის, ვინაიდან ერთადერთი მტერი სახელმწიფო გვყავს ჩვენ, უნდა დავაწესოთ გადასახადი საქართველოში შემოსვლის დროს. ეს ფული უნდა მოვახმაროთ დევნილებს”, – განაცხადა პაატა მანჯგალაძემ.

ავტორი
ნინი ხიჯაკაძე